लैनसिंह बाङ्देलद्वारा लिखित चर्चित उपन्यास ‘लङ्गडाको साथी’माथि आधारित चलचित्र ‘अभिन्न’को ट्रेलर सार्वजनिक भएको छ । ट्रेलरमा चलचित्रका मुख्य अभिनेता कर्मा फिचर्ड छन् । उनलाई एक अपांग व्यक्तिको चरित्रमा देख्न सकिन्छ ।
प्रशान्त रसाइलीले निर्देशन गरेको चलचित्र दार्जिलिङकै परिवेशमा छायांकन गरिएको छ । वाङ्देलले २००८ सालमा लेखेको यो उपन्यासमा दार्जिलिङ सहर डुलिरहने एक अपांग व्यक्तिले भोग्नुपरेको कारुणिक कथा र उसलाई सघाउने कुकुरको चरित्रलाई प्रस्तुत गरिएको छ । वाङ्देल एण्ड शाक्य प्रोडक्सनको प्रस्तुति रहेको चलचित्रका निर्माता विभाकर शाक्य हुन् । चलचित्रमा रञ्जित गजमेरको संगीत रहेको छ ।
