अभिनेत्री दीया पुनले नयाँ चलचित्र साइन गरेकी छन् । प्रदीप शाहीको निर्देशनमा बन्न लागेको ‘अन्तिम संस्कार’मा उनी अनुबन्ध भएकी हुन् । अभिनेत्री पुनले करीब ४ वर्षपछि नयाँ चलचित्र साइन गरेकी हुन् । यसअघि उनी अभिनीत चलचित्र ‘मन्त्र’ हलमा रिलिज भएको थियो । दीयाले यही जेठ १५ गते संसारको सबैभन्दा अग्लो शिखर सगरमाथा (८,८४८.८६ मिटर उचाई) को सफल आरोहण गरेकी हुन्।

चलचित्रमा दीयासँगै विजय लामा, एवनराज उप्रेती, त्रिचन्द्र राई, विनोद सुवेदी (खत्री), सस्मिता गिरी, श्याम राईलगायतका कलाकारहरुको पनि अभिनय रहनेछ । निर्देशक शाहीको ‘अन्तिम संस्कार’ दोस्रो चलचित्र हो । यसअघि उनको निर्देशनमा चलचित्र‘गोर्खा : बिनिथ द ब्रेभरी’ निर्माण भएको थियो, जुन यसै वर्ष प्रदर्शनमा आउने तयारीमा छ । शाही प्रोडक्सनको ब्यानरमा सामाजिक कथामा निर्माण हुन लागेको चलचित्रलाई विनोद सुवेदी (खत्री) ले निर्माण गर्नेछन् ।