चलचित्र ‘डलर एयुडी’ निर्माण हुने भएको छ । देवकुमार श्रेष्ठको निर्देशन रहने चलचित्र सन्तोष अधिकारीले निर्माण गर्न लागेका हुन् । सन्तोष अधिकारी फिल्मस् र अमारिया प्रोडक्सनको संयुक्त ब्यानरमा निर्माण हुने चलचित्रमा अर्पण थापा, मेनुका प्रधान, सन्तोष अधिकारी लगायतको अभिनय रहने छ ।
अष्ट्रेलिया जाने नेपालीको जीवन कथाको विषयमा चलचित्र निर्माण हुने छ । चलचित्रको सह–निर्मातामा धर्मराज अधिकारी, गंगाराम वाग्ले, अरुण श्रेष्ठ, अन्जना अधिकारी, तृष्णा गुरुङ लगायत रहेका छन् । अधिकांश छायांकन अष्ट्रेलियामा हुने बताइएको चलचित्रको कथा सन्तोष अधिकारीले लेखेका हुन् । जसको पट्कथा चे शंकरले तयार पारेका छन् । सुरेश राई, सन्तोष मिश्रको संगीत रहने चलचित्रको बाँकी कलाकार प्राविधिक पक्ष केही समयमा सार्वजनिक गर्ने निर्माण पक्षले जनाएको छ ।
