ज्ञानेन्द्र देउजाको निर्देशनमा बनेको चलचित्र ‘झिँगेदाउ’को प्रदर्शन मिति अगाडि सरेको छ । निर्माताले पोस्टर सार्वजनिक गर्दै अब चलचित्र भदौ १७ गतेबाट प्रदर्शन हुने घोषणा गरेका हुन् । यसअघि यो चलचित्र भदौ ३१ गते प्रदर्शन हुने तयारीमा थियो । चलचित्रमा केकी अधिकारी, आँचल शर्मा र मुकुन भुसालको मुख्य भूमिका छ ।
कपनगडी सिनेमा र फिल्म क्रियु नेपालको ब्यानरमा निर्माण भएको चलचित्र भिमनिधि तिवारीको कथा ‘झिँगेदाउ’मा आधारित रहेको छ । प्रदीप भारद्वाजको पटकथा तथा सम्वाद लेखेको चलचित्रमा अर्जुन पोखरेलको संगीत, बिष्णु घिमिरेको छायांकन, मित्र डि गुरुङको सम्पादन छ । चलचित्रमा सुलभ, समिक्षा र सुशिल निर्माताको रुपमा रहेका छन् ।
