बलिउड अभिनेता अक्षय कुमारको आगामी चलचित्र ‘रक्षाबन्धन’ अभिनेता आमिर खान स्टारर चलचित्र ‘लाल सिंह चड्डा’सँग भिड्ने भएको छ । यी दुवै चलचित्र आगामी ११ अगस्ट २०२२ (साउन २६) गते एकसाथ प्रदर्शनमा आउने भएका छन् ।
आनन्द एल राय निर्देशित चलचित्र रक्षाबन्धनमा अक्षय र भूमि पेड्नेकरको मुख्य भूमिका छ । ‘अतरंगी रे’पछि अक्षयले दोस्रोपटक आनन्द एल रायसँग सहकार्य गरेका हुन् । ‘लाल सिंह चड्डा’मा आमिरसहित करिना कपुरको मुख्य भूमिका छ । बच्चन पाण्डे र सम्राट पृथ्वीराजपछि ‘रक्षाबन्धन’ अक्षयको यस वर्षको तेस्रो चलचित्र हो । आमिर अभिनित पछिल्लो चलचित्र ‘ठग्स अफ हिन्दुस्तान’ सन् २०१८ मा रिलिज भएको थियो । भिडन्तमा कसले जित्ला त्यो हेर्न रोचक हुनेछ– लालसिंह चड्डा कि रक्षा बन्धन ? तपाईको विचारमा बक्स अफिसमा को विजेता बन्न सक्छ ?
