चर्चित हास्य श्रृखंला ‘तितो सत्य’ मा दीपकराज गिरी र दीपाश्री निरौलाको छोरा राजको भुमिकाबाट चर्चित कलाकार राज आचार्यले मंगलबार अभिनेत्री सुनिशा बजगाईसँग विवाह गरेका छन् । रातोपुलस्थित शिवम् पार्टी प्यालेसमा उनीहरुले परम्पराअनुसार विवाह गरेका हुन् । परिवार र निकट आफन्तको उपस्थितिमा अहिले विवाह समारोह भइरहेको छ ।
बालकलाकारको रुपमा अभिनय सुरु गरेर आफुलाई स्थापित गराउन सफ राजले अहिले सिए (चार्टर एकाउन्टेन्ट) को पढाइ समेत सकाएका छन् । केहि म्युजिक भिडियोमा समेत काम गरेका राज र सुनिशाले केही बर्षको प्रेम विवाहमा परिणत गर्न लागेका हुन् । सुनिशा भने ‘इन्टुमिन्टु लण्डनमा’पछि म्युजिक भिडियोमा व्यस्त छिन् ।
