चलचित्र सम्बन्धि अध्ययन गराउँदै आएको कान्तिपुर फिल्म एकेडेमीले पहिलो पटक निर्माण गरेको चलचित्र ‘म’को दुईवटा पोस्टर सार्वजनिक भएको छ । चलचित्र ‘सुनगाभा’ का निर्देशक सुर्वण थापाले ‘म’ को निर्देशन गरेका हुन् ।

एक आपराधिक घटना र अनुसन्धानमा जुटेका विभिन्न पात्रको कथा भन्ने चलचित्रको पोस्टरमा नव-अभिनेता संजोग रसाइलीलाई मुख्य स्थानमा राखिएको छ । उनको वरपर चलचित्रको कथा घुमेको भान गर्न सकिन्छ । चलचित्रका अन्य कलाकारहरु सरोज खनाल, निशा अधिकारी, रुविना थापा, निराजन प्रधान, सविन श्रेष्ठ, नरेन खड्का, सरिता लामिछाने र पुनम श्रेष्ठलाई पनि पोस्टरमा प्रस्तुत गरिएको छ । यो चलचित्र आगामी साउन २० गते प्रदर्शन हुँदैछ ।

चलचित्रको कथा कान्तिपुर फिल्म एकेडेमीका सिइओ समेत रहेका प्रकाश पुरीले लेखेका हुन् । यस चलचित्रमा सरोज खनाल, सरिता लामिछाने, निशा अधिकारी, सविन श्रेष्ठ, निराजन प्रधान, रुविना थापा, प्रमोद अग्रहरी, संजोग रसाइली,नरेन खड्का, पुनम श्रेष्ठ लगायतका कलाकारको अभिनय रहनेछ । चलचित्रको निर्माता विमला हुमागाईं र पदम पुरी हुन् । तेञ्जिङ्ग पाल्देनको छायांकन रहेको यो चलचित्रले मानिसभित्रको कथा भन्ने बताइएको छ ।