भदौ ३ गतेदेखि देशब्यापी प्रदर्शनमा आउने तयारीमा रहेको चलचित्र ‘कृष्ण-लीला’ ले अहिले निकै चर्चा पाइरहेको छ । फस्र्टलुक सार्वजनीक सँगै दर्शकको ध्यान तान्न सफल चलचित्रमा समावेश ‘त्यो कथामा एउटा राजा एउटी रानी भैदियोस्..’ अत्याधिक सफल हुदै गर्दा निर्माण युनिटले अर्को गीत सार्वजनीक गर्यो-‘ए मेरो हजुर..’ । ट्रेलरबाट समेत प्रतिक्षित बनेको चलचित्रको यो गीत अहिले सर्वत्र गुन्जिरहेको छ ।
रबि ओड र सुनीता कार्कीको स्वरमा रहेको ‘ए मेरो हजुर’ छोटो समयमै सम्भवतः सर्वाधिक टिकटक बन्ने पाश्र्व गीतका रुपमा कहलिएको छ । एक महिनाअघि सार्वजनीक भएको गीतको ‘अटल वाचा गरें..’, ‘अघाउदैनन् कहिल्यै आँखा मेरा..’ र ‘मेरो ध्यान त्यतै तानीसक्यौ तिम्ले..’ बोलमा सेलिब्रेटीदेखि लिएर सर्वसाधरणलेसमेत अधिक मात्रामा टिकटक बनाएका छन् । अहिलेसम्म ती बोलमा चार लाख बढी टिकटक बनीसकेका छन् भने एक करोड भन्दा बढी भ्यु भइसकेको छ ।
गीतले टिकटकमा मात्रै होइन, युट्युवमा समेत दर्शकस्रोताले मन जितिरहेको छ । युट्युव च्यानल डिआर म्युजीक एण्ड क्रिएसनमार्फत सार्वजनिक गरिएको गीत अहिलेसम्म सवा १७ लाख पटक हेरिसकिएको छ । डा. डिआर उपाध्यायले लेखेको गीतमा पुष्प खड्का र श्रद्धा क्षेत्री फिचर्ड छन् । बाबुल गिरीको संगीत,माइकल चन्दको कोरियोग्राफी,उत्सव दाहालको छायांकन र शिलन लम्सालले सम्पादन गरेकोे गीत ५२ सय मिटर माथिको तिलिचो ताल क्षेत्रमा खिचिएको हो । यो गीतमा एक दिनमा चालिस हजार वटासम्म टिकटक बनेको जानकारी कोरियोग्राफर माइकलले दिएका छन् । उनका अनुसार टिकटक प्रयोगकर्ता मात्र होइन, सर्वसाधारणको जिव्रोमा समेत यो गीत झुण्डिएको छ ।
दीपक ओलीको निर्देशनमा बनेको चलचित्रको प्रस्तुतकर्ता रोहित कट्टेल र कार्यकारी निर्माता रत्न श्रेष्ठ हुन । चलचित्रमा पुष्प र श्रद्धाका साथमा बुद्धि तामाङ,रबिन्द्र झा,भावना गुरुङ,नवीन रेग्मी,हिउँवाला गौतम,आयुषा क्षेत्री तथा बालकलाकर आयुष गुरागाईं मुख्य भूमिकामा छन् ।
कृष्ण जन्माष्टमीको दिनमा प्रदर्शन हुने चलचित्रको निर्माता प्रकाशराज कार्की र केवल तामाङ हुन् । पिताम्बर आचार्य र रोजन श्रेष्ठ सहनिर्माता रहेको चलचित्रको लाइन प्रोड्युसरमा रमेश तामाङ छन् । वरिष्ठ रंगपत्रकार लक्ष्मण सुवेदीद्धारा लिखित चलचित्र पाँचथर,इलाम,झापाका रमणीय स्थलमा छायांकन गरिएको हो । शिब ढकालले खिचेको चलचित्रको सम्पादन अर्जुन जिसीले गरेका छन् । अर्जुन पोखरेल र बाबुल गिरीको संगीत,रामजी लामीछाने र माइकल चन्दको कोरियोग्राफी तथा श्री श्रेष्ठको द्धन्द्ध निर्देशन रहेको चलचित्रको वितरण पनि निर्माण ब्यानर आरआर फिल्मस्ले गर्दैछ ।
एकपटक फेरि हेर्नुस् गीत-
