हिन्दू महिलाहरूको महान् पर्व तीजलाई लक्षित गर्दै यस वर्षका तीज गीत सार्वजनिक हुने क्रममा छन् । यही मेसोमा मिनाक्षी कोइरालाको निर्देशन रहेको तीज गीत “टिकटक बनाई नाचुम है छमछम” सार्वजनिक भएको छ ।
‘सारेगामापा लिटिल च्याम्प्स नेपाल’को टप ५ फाइनलिस्ट अभिज्ञा घिमिरेको स्वर, महेश खड्का र मनिन्द्र ढुङ्गेलको शब्द, महेश खड्काको संगीत र प्रकाश खरेलको मिक्सिङ तथा मास्टरिङ रहेको गीतको भिडियो सार्वजनिक गरिएको छ ।
गीतको भिडियोमा नम्रता सापकोटा र जेबिका कार्कीको अभिनय तथा नृत्य रहेको छ । साथै, संजु कार्की पनि गीतमा फिचर्ड छन् । प्रशान्त मगरको कोरियोग्राफी रहेको भिडियो आकर्षक ढंगबाट निर्माण गरिएको छ । गीतको भिडियो म्युजिक नेपालको युट्युब च्यानलमार्फत् सार्वजनिक गरिएको हो ।
