अभिनेत्री मिरुना मगर ‘कबड्डी’ फेम्ड रामबाबु गुरुङले निर्देशन गर्ने नयाँ चलचित्र ‘फूलबारी’मा अनुबन्धित भएकी छन् । चलचित्रको अतिथि भूमिकाको लागि मिरुना अनुबन्धित भएकी हुन् । यतिबेला लण्डनमा रहेकी मिरुना ‘फूलबारी’को छायांकनको लागि चाँडै नेपाल आउने तयारीमा छिन् ।

चलचित्रमा प्रियंका कार्की दयाहाङ राई, विपिन कार्की, अरुणा कार्की, सोम खनालको मुख्य भूमिका रहने छ । भदौको अन्तिमबाट छायांकन तयारी भइरहेको चलचित्र पारिवारिक कथामा बन्न लागेको हो । चलचित्रलाई यशोधा फिल्मस् निर्माण गर्ने छ ।