अभिनेत्री साम्राज्ञी राज्यलक्ष्मी शाह र अभिनेता जितु नेपालको मुख्य भूमिका रहेको चलचित्र ‘ह्यारीकी प्यारी’को प्रदर्शन मिति पोस्टपोन्ड भएको छ । आगामी कात्तिक २५ गतेलाई प्रदर्शनमा आउने तयारी गरेको चलचित्र सो मितिमा प्रदर्शन नहुने भएको छ । चलचित्र पोष्टपोन्ड हुनुको कारण खुलाइएको छैन ।
डा. कपिल रिजालको निर्देशनमा बनेको रोमान्टीक कमेडी चलचित्रको काठमाडौं, पोखरा, पर्वत, चितवनलगायतका स्थानमा छायांकन गरिएको छ । चलचित्रमा जितु ह्यारी र साम्राज्ञी उनको प्यारीका रुपमा देखिनेछन्। जितु र साम्राज्ञीका साथमा विजय बराल, लक्ष्मी गिरी, सुवास गजुरेल, नरेश पौडेल, रञ्जना भट्टराई, समिक्षा पौडेल, रमेश अधिकारी, डिल्लीराम खनाललगायतका कलाकारले यसमा अभिनय गरेका छन् भने केही अन्य सरप्राइजसमेत रहेको निर्देशक रिजालले जानकारी गराए।
