रामबाबु गुरुङको निर्माणमा बनेको चलचित्र ‘जारी’ को नयाँ प्रदर्शन मिति घोषणा गरिएको छ । नायक दयाहाङ राई र नायिका मिरुना मगरको मुख्य भूमिका रहेको चलचित्र आगामी वैशाख १ गते प्रदर्शन हुने छ।

चलचित्र ‘जारी’लाई उपेन्द्र सुब्बाले लेखन तथा निर्देशन गरेका हुन् । उपेन्द्रले ‘कबड्डी’ सिरिज लेखनमा रामबाबुलाई साथ दिँदै आएका थिए । उनले, यही चलचित्रबाट निर्देशनमा डेब्यू समेत गरेका हुन् । चलचित्रमा दयाहाङ र मिरुनासहित प्रेम सुब्बा, विजय बराल, रेखा लिम्बू, रोयदीप श्रेष्ठ, कमलमणि नेपाल, पुष्कर गुरुङको समेत अभिनय छ । यो चलचित्रको नाम समेत गोप्य राख्दै यसको निर्माणपक्षले छायांकन सुरु गरेको थियो । चलचित्रको पाँचथरका रमणीय स्थानमा छायांकन भएको हो ।