चर्चित हास्य श्रृंखला ‘सक्किगो नि’ ले १०० औं भाग पुगेको खुसी सेलिब्रेसन गरेको छ । निर्माण युनिटले सोलुखुम्बुको दूधकुण्ड नगरपालिका–८ स्थित रमणीय स्थल पतालेमा पुगेर १०० भागको सेलिब्रेसन कार्यक्रम आयोजना गरेको हो ।
आन्तरिक पर्यटन प्रवर्द्धन गर्ने उद्देश्य १०० औं भागको कार्यक्रममा सोलुखुम्बु ल्याएको कलाकार तथा निर्देशक कुमार कट्टेल जिग्रीले बताए । उनले अन्तपनि पर्यटन प्रवर्धद्धका लागि कुनै न कुनै कार्यक्रम गर्ने बताए । ७० जनाको टोलीसहित सोलुखुम्बु पुगेर पुरस्कृत र सम्मान कार्यक्रम गरेको युनिटले मंगलबार त्यही स्थानमा पिकनिक समेत राखेको छ ।
