यही शुक्रबारदेखि प्रदर्शनमा आउने तयारीमा रहेको चलचित्र ‘ह्यारी कि प्यारी’को प्रिमियर सम्पन्न भएको छ । मङ्गलबार कमलपोखरीस्थित बिग मुभिजमा गरिएको प्रिमियरमा कलाकर्मी र रंगपत्रकारको उपस्थिति रहेको थियो । प्रिमियरमा सहभागीहरू फिल्म मन परेको प्रतिक्रिया दिए । फिल्मका मुख्य कलाकार जितु नेपाल र अभिनेत्री साम्राज्ञी राज्यलक्ष्मी शाहको अभिनयको समेत धेरैले तारिफ गरे । कलाकार विजय बरालले समेत अभिनयबाट तारिफ पाएका थिए ।