चर्चित हाँस्य टेलिश्रृंखला ‘मेरी बास्सै’मा आठ वर्षपछि माग्ने बुढा देखिने भएका छन् । अभिनेता केदार घिमिरे उर्फ माग्ने बुढा यो टेलिश्रृंखलामा पुनरागमन हुने भएका छन् । मिडिया हबका अनुसार, मंगलबार प्रसारण हुने मेरी बास्सैको नयाँ भागमा उनी देखिनेछन् ।
दर्शकले एक एपिसोडमा माग्ने बुढाको चर्चित पात्रलाई हेर्न पाउनेछन् । यो श्रृंखलामा उनी अभिनेत्री बेनिशा हमालसँगै देखिने जनाइएको छ । शुक्रबारदेखि हलमा प्रदर्शन हुने तयारीमा रहेको ‘छक्कापञ्जा ४’को प्रवद्र्धनका लागि माग्ने बुढाले ‘मेरी बास्सै’मा अभिनय गरेका हुन् ।
