‘ज्याकी : आई एम ट्वान्टी वान’ पोस्टरमा जसिता रुबीको भूमिकामा

कोरियोग्राफर तथा निर्देशक रेनाशा वान्तवा राई निर्देशित चलचित्र ‘ज्याकी: आइएम ट्वान्टी वान’की मुख्य अभिनेत्री जसिता गुरुङको फर्स्टलुक सार्वजनिक गरिएको छ । मंगलबार सार्वजनिक पोस्टरमा जसिताको चरित्रको नाम ‘रुबी’ उल्लेख छ । चलचित्रमा उनी नृत्यमा सौखिन पात्रको रुपमा रहेको पोस्टरले छनक दिन्छ ।

आगामी बैशाख २१ गतेबाट प्रदर्शनमा आउन लागेको चलचित्रमा अभिनेता धिरज मगर र अभिनेत्री जसिता गुरुङ मुख्य भूमिकामा छन् । चलचित्रमा अरुण क्षेत्री, प्रेम सुब्बा, लुनिभा तुलाधर, पल्पसा डंगोल, राजु भुजु, सुजता राईलगायतका कलाकारको अभिनय छ । चलचित्रलाई नेपालको पहिलो डान्स चलचित्र भनिएको छ ।

सुशान्त प्रजापतिको छायांकन, निमेश श्रेष्ठको सम्पादन, रेनशा राई राना र सोमनाथ खनालको संवाद छ । चलचित्रमा रोहित शाक्य र कालीप्रसाद बाँस्कोटाको संगीत रहेको छ । प्रभु शमशेर जबरा र प्रज्ज्वल शमशेर जबराले निर्माण गरेको चलचित्रलाई नेपालको पहिलो डान्स चलचित्र भनिएको छ ।

Leave a Reply