प्रशान्त तामाङ निर्देशित चलचित्र ‘सारंग’को ‘चिसो बतास’ बोलको गीतलाई २२ जना बालबालिकाले एकसाथ गाएका छन् ।डिपी खनालले शब्द रहेको गीतमा कान्जिरोवा स्कुल, कोटेश्वरका प्रतिभावान २२ बालबालिकाहरुको साथमा किरण भुजेल र मुस्कान रानाभाटको स्वर छ ।बाल मनोबिज्ञान तथा बालअधिकारको विषयमा केन्द्रित फिल्ममा कथाको मागअनुसार नै एकसाथ २२ जना बालबालिकालाई गीत गाउन लगाएको हाे ।
‘चोली तुनामा’ भने फिल्मको अर्काे एउटा गीत डिपी खनालकै शब्द रहेको छ भने शान्तिश्री परियार र साइराजले स्वर दिएका छन्। गीतमा संगीत शंकर थापा स्माइलको छ । फिल्ममा ऋचा शर्मा,उत्पल झा,समीर मणि दीक्षित, सुरज तमु, मणि के राई, अनिषा न्यौपाने, निरज ब्ल्याक, दीपीका थापा, सुमन सागर जंग केसीका साथमा बालकलाकारद्वय सम्राट थापा र आदित्य कार्की मुख्य भूमिकामा छन् ।
बैशाख २ गतेबाट सुटिङ थालिएको फिल्मको पहिलो चरणको सुटिङ सकिएको छ भने बाँकी छायांकन केही दिनमै हुनेछ । बाल मनोविज्ञान तथा बाल अधिकारको विषयमा आधारित भएर बनेको फिल्मलाई यस वर्षको बाल दिवसको अवसर पारेर सार्वजनिक प्रदर्शन गर्ने तयारीमा निर्माता छन् ।
