निर्माणको चरणमा रहेको चलचित्र ‘छक्का पञ्जा–५’को गीत सार्वजनिक भएको छ । ‘बिहे भाको छैन…’ बोलको गीतमा चलचित्रका मुख्य कलाकार दीपकराज गिरी, वर्षा शिवाकोटी फिचर्ड छन् । ‘छक्का पञ्जा–५’ चलचित्रलाई दीपाश्री निरौलाले निर्देशन गरेकी छन् । असोज २४ गते रिलिज हुने चलचित्रमा दीपक र वर्षासँगै केदार घिमिरे, निर्मल शर्मालगायत छन् ।
गीतलाई पछिल्लो समयकी चर्चित गायिका बेनिशा पौडेल र सविन सुवेदीले गाएका छन्। गीतलाई दीपक शर्माले संगीत भरेका छन्। गीतको शब्द रचना भने दीपक शर्मा र दीपकराज गिरी दुवैले संयुक्त रुपमा लेखेका छन्। चलचित्रमा रोशन श्रेष्ठको द्वन्द्व निर्देशन तथा विपिन मल्लको सम्पादन छ ।
यो चलचित्र आमा सरस्वती मूभिज र आइएमइको ब्यानरमा निर्माण भएको हो । गीत रिलिजसँगै चलचित्रको प्रचारप्रसार पनि सुरु भएको निर्माता तथा अभिनेता गिरीले अनलाइनखबरलाई जानकारी दिए ।
