अभिनेता दयाहाङ राई यतिबेला सिन्धुपाल्चोकमा चलचित्र ‘कार्साङ’को छायांकनमा व्यस्त छन् । सेटबाट शीर्ष दुई कलाकारको क्यारेक्टर लुक्स सार्वजनिक भएको छ, जसमा दयाहाङसहित अभिनेत्री सिर्जना निङ्लेखु देखिएका छन् । दयाहाङको अपोजिटमा देखिएकी सिर्जनाले यसै डेब्यु गर्दैछिन्। केही म्युजिक भिडिओमा काम गरिसकेकी सिर्जना ‘डान्सिङ स्टार नेपाल सिजन २’को विजेता हुन्।
मेकरले कलाकारको पूर्ण लाइनअप पनि बाहिर ल्याएका छन् । मेकरले कलाकारको पूर्ण लाइनअप पनि बाहिर ल्याएका छन् । यसबाहेक चलचित्रमा जितु नेपाल, दीया मास्के, बुद्धि तामाङ, छिरिङ शेर्पा, प्रेम लोप्चन, डोमा ह्योल्मो, सृष्टि गौतम, छोकी शेर्पा, सुरवीर पण्डित, कर्मा शेर्पाको अभिनय छ ।
तस्वीरमा दयाहाङ रैथाने चरित्रमा छन् । सिर्जना र दयाहाङले चलचित्रमा जोडीको भूमिका निर्वाह गरेका छन् । यसअघि ‘कबड्डी’का चारै श्रृंखला, जारी, मनसरा र घरज्वाइँमा विभिन्न समुदायको चरित्र चित्रण गरेका दयाहाङले ‘कार्साङ’मा शेर्पा समुदायका पात्र निर्वाह गर्दैछन् ।
