सुदर्शन थापा निर्देशित चलचित्र‘रावायण’ को ट्रेलर सार्वजनिक भएको छ। दुई साताअघि सार्वजनिक टिजरले चलचित्र एक्सन प्रधान रहेको प्रष्ट पारेको थियो । यो एक्सनप्रधान चलचित्रमा पल दोहोरो भूमिकामा देखिएका छन् । पललाई सकारात्मक र नकारात्मक दुई चरित्रमा पेश गरेका छन् ।सोही चलचित्र ‘रावायण’को एक्सनप्रधान ट्रेलर बिहीबार सार्वजनिक भएको छ ।
चलचित्रमा पूजा शर्मा, प्रियका कार्की, प्रमोद अग्रहरी, प्रकाश शाह, अर्जुनजंग शाही लगायत अभिनय छ । पूजा शर्मा टीभी पत्रकारको भूमिकामा छिन् भने प्रियंका कार्की मुश्लिम महिलाको भूमिकामा देखिएकी छन् ।
सुदर्शन थापा प्रोडक्सन र पूजा शर्मा प्रोडक्सनको ब्यानरमा चलचित्र निर्माण भएको हो । चलचित्रमा सौरभ लामाको छायांकन शिवम अधिकारीको लेखन, प्रदीप श्रीवास्तवको पटकथा, मिलन श्रेष्ठको सम्पादन एवं श्री श्रेष्ठको द्वन्द्व निर्देशन रहेको छ । यो चलचित्रको निर्माण पूजा शर्माले गरेकी हुन् ।चलचित्रको रिलिज भदौ २१ गते हुने जनाइएको छ ।
