आज शुक्रबार नारीहरूको महान पर्व हरितालिका तीजको अवसर पारेर चलचित्र ‘रावायण’ र ‘देवी’ एकसाथ प्रदर्शनमा आएका छन् ।
संजोग राई निर्देशित ‘देवी’ मा शिल्पा मास्के, नाजिर हुसेन, गौरव पहारीको मुख्य अभिनय छ। यो चलचित्र सामाजिक कथामा बनेको हो।
सुदर्शन थापाको निर्देशन रहेको ‘रावायण’ मा पल शाह र पूजा शर्मा शीर्ष भूमिकामा छन्। यो चलचित्र एक्सन–ड्रामा जनरामा बनेको हो। ‘रावायण’ मा प्रियंका कार्की, प्रमोद अग्रहरी, प्रकाश शाह, अर्जुनजंग शाही, शर्मिला मल्ल लगायत कलाकारहरूको पनि अभिनय छ। निर्देशक थापाको कथा रहेको चलचित्रमा शिवम् अधिकारीको लेखन र श्री श्रेष्ठको द्वन्द्व छ।
