संचारकर्मी तथा लघु चलचित्र निर्माता सुरज पौडेलले अब ठुलो चलचित्र निर्माण गर्ने भएका छन् । लामो समय देखि टेलिभिजन, रेडियो तथा अनलाईन मिडियामा कार्यरत रहदैं आएका पौडेल अब ठुलो चलचित्र निर्माणको तयारीमा हुन् । सामाजिक कथाबस्तुमा निर्माण हुने उक्त चलचित्रको अहिले स्क्रिप्टको काम भईरहेको निर्माण पक्षले जनाएको छ ।
पौडेलको कथा,निर्देशन तथा निर्माण रहने चलचित्रको कार्यकारी निर्मातामा छविलाल भट्टराई रहने छन् । अबको केही समयमानै स्क्रिप्ट पुरा गरी औपचारिक कार्यक्रम मार्फत निर्माणको घोषणा गरिने निर्माण पक्षले जनाएको छ । संचारकर्म देखी लघुचलचित्र निर्माण सम्म सक्रिय पौडेलले नेपाली सेना द्वारा आयोजित लघुचलचित्र प्रतियोगीतामा राष्ट्रिय स्तरको पुरस्कार समेत हात परिसकेका छन् ।
