गायक बिरेष्ठ, वास्तविक नाम बिबेक श्रेष्ठले आफ्नो नयाँ गीत “जादूगर” को आधिकारिक म्युजिक भिडियो सार्वजनिक गरेका छन्। यो गीत पहिलो प्रेमको कथामा आधारित छ। गीतले एक प्रेमीको दृष्टिकोणबाट आफ्नो प्रेमिकालाई हेर्ने भावनालाई प्रस्तुत गर्छ।
गीतको रचना र संगीत सन्देश एसटीले गरेका हुन्। अनमोल बज्राचार्यले संगीत उत्पादनसँगै मिक्स र मास्टरको काम गरेका छन्। यो म्युजिक भिडियोलाई अनमोल बज्राचार्यले नै निर्देशन गरेका हुन्।
भिडियोमा गायक बिरेष्ठ आफैंलाई पनि प्रस्तुत छन्। म्युजिक भिडियोमा रितिका खरेलले मुख्य अभिनेत्रीको भूमिका निभाएकी छिन्। यो भिडियो उनको पहिलो डेब्यू म्युजिक भिडियो पनि हो।
गीतको प्रिमियर शुक्रबार पानीपोखरी स्थित “द गार्डेन्स”मा विशेष कार्यक्रममार्फत गरिएको थियो। “जादूगर” म्युजिक भिडियोले पहिलो प्रेमका भावनाहरूलाई गहिरो तरिकाले प्रस्तुत गरेको छ। यो भिडियो गायक बिबेक श्रेष्ठ अर्थात् बिरेष्ठको आधिकारिक युट्युब च्यानलबाट रिलिज गरिएको हो।
गीतको भिडियो:
