गायक युवराज चौलागाई र गायिका अनुष्का पाठकको नयाँ गीत ‘शिर्फुले माया सार्वजनिक भएको छ। यो गीत राज कुमार बगरको शब्द र संगीतमा तयार भएको हो र युवराज चौलागाईको आधिकारिक यूट्यूब च्यानलमा उपलब्ध छ।
लोक र आधुनिक शैलीको मेलमिलापमा तयार गरिएको यो गीतमा युवराज र अनुष्काको भावपूर्ण स्वर रहेको छ। संगीत संयोजन कमल सौरागले गरेका छन्। मादलमा मेघराज लुंगेले उत्कृष्ट धुन प्रस्तुत गरेका छन् भने बास गिटार अनुप दास र रिदम गिटार तथा मन्डोलिन संजीव बडाइलीले धुनमा गहिराई थपेका छन्।
गीतको भिडियोमा युवराज चौलागाई, प्रभात पाल ठाकुरी, विजय पुन, अञ्जली अधिकारी, सुशिला थापा र अनुष्का पाठकले अभिनय गरेका छन्। निर्देशन शन्न थापाले गरेका छन् भने कोरियोग्राफी राजीव समरको रहेको छ। भिडियोले ग्रामीण जीवन र प्रेमकथालाई कलात्मक रूपमा प्रस्तुत गरेको छ ।
