लकडाउनको समयमा कलाकारहरुबीच नयाँ-नयाँ कन्सेप्टको विकास भइरहेको छ । र त्यसैको परिणाम स्वरुप लकडाउनको समयमा छोटो चलचित्रको निर्माण बढेको छ । यसैविच, मित्र डी गुरुङको निर्देशनमा लकडाउनकै समयमा बनाईएको छोटो चलचित्र ‘परिस्थिति’ रिलिज गरिएको छ । नेपालिज ह्यान्ड्सको अफिसियल युट्युब च्यानलबाट रिलिज गरिएको यो छोटो चलचित्रमा लकडाउनको कथा देखाइएको छ ।लकडाउनको समयमा कोरोनाले साथीभाइ , आफन्त सबैलाई कसरी टाढा बनाइरहेको पनि उक्त छोटो चलचित्रमा प्रस्तुत गरिएको छ ।छोटो चलचित्र ‘परिस्थिति ’मा अमृत ढुंगाना ,संजोग रसाईली ,आकांक्षा तामाङ ,मनिष गौतम ,आर सी रिमाल ,देवराज भण्डारी लगायतले अभिनय गरेका छन् । यो छोटो चलचित्रलाई राजकुमार श्रेष्ठले खिचेका हुन् । चलचित्रको कथा भने निर्देशक गुरुङको आफ्नै हो । चलचित्रको सम्पादन पनि उनी आफैले गरेका हुन् । चलचित्रमा पटकथा र संवाद मित्र डी गुरुङ र मनिष गौतमको रहेको छ ।

हेर्नुहोस् शर्ट फिल्म ‘परिस्थिति’ यूट्युब मार्फत :