गायक प्रताप दासको स्वरमा लोकप्रिय गीत ‘फोटो फिरिममा’को मेल भर्जन सार्वजनिक गरिएको छ। यस भन्दा अगाडि दर्शक श्रोताले रुचाएको गीतको फिमेल भर्जनमा नेपाल आइडलबाट चर्चामा आएकी रचना रिमालले आवाज दिएकी थिइन् । सोमबार नयाँ नयाँ न्युज नेपालको अफिसियल युटुब च्यानलबाट सार्वजनिक गरिएको गीतमा शिशिर भण्डारीको शब्द तथा संगीत रहेको छ। भिडियोमा शिशिर भण्डारी, रिस्ता बस्नेत, निक शर्मा, श्रद्धा गौतम, नीरआयु गौतम र निर्मल न्यौपानेको अभिनय रहेको छ। भिडियोलाई सागर बाबू भट्टले निर्देशन गरेका हुन्। भिडियोमा कथा तथा परिकल्पना शिशिर भण्डारीकै रहेको छ। अनिल के मानन्धरले खिचेको भिडियोलाई प्रबिन भट्टले सम्पादन गरेका छन् भने रंग संयोजन दिन्सन शाहले गरेका छन् ।
भिडियो हेर्नुहोस :