कोरोनाको जोखिमका कारण चलचित्रको छायांकन रोकिएपछि अभिनेता तथा अभिनेत्रीहरू म्युजिक भिडियोतिर आकर्षित भएका छन् । यस्तैमा अभिनेता विपिन कार्की पनि म्युजिक भिडियोमा देखिएका छन् । उनले अभिनय गरेको तेस्रो म्यूजिक भिडियो सार्वजनिक भएको छ । सन्तोष लामाको स्वर रहेको ‘डर छैन’ बोलको गीत सार्वजनिक भएको छ । बिहीबार ‘टुवेल्भ नोट्स ’ युट्युव च्यानल मार्फत सार्वजनिक गरिएको गीतको भिडियोमा विपिन कार्कीले भरियाको भूमिकामा अभिनय गरेका छन् । भिडियोमा विपिनसंगै लोकमणि गौतम र बालकलाकार स्रभनी थापा पनि फिचर्ड छन् । चलचित्र‘फाटेको जुत्ता’का निर्देशक निकेश खड्काले निर्देशन गरेको ‘डर छैन’ बोलको गीतमा नारायण गौतमको शब्द र हरि लम्सालको सङ्गीत रहेको छ । गीतको शब्द मार्मिक रहेको छ र भिडियो पनि त्यतिकै राम्रो रहेको छ । भिडियो हेर्नुहोस् :
