नायक अनमोल केसी र नायिका उपासना सिंह ठकुरीको कोरोना रिपोर्ट नेगिटिभ आएको छ । केही हप्ताअघि यमाहाको एक स्कुटरको विज्ञापनको छायांकनमा उपस्थित एक महिलामा कोरोना देखिएपछि कन्ट्याक्ट ट्रेसिङमा परेका चर्चित अभिनेता अनमोल केसी र अभिनेत्री उपासना सिंह ठकुरीको स्वाब संकलन गरिएको थियो । यमाहाको ब्रान्ड एम्ब्यासडर रहेका अनमोलको केही दिन अगाडि विज्ञापनका लागि फोटोसुट भएको थियो । शुक्रवार साँझ उपासनाले ह्याम्स अस्पतालबाट प्राप्त रिपोर्ट इन्स्टाग्राममा सार्वजनिक गर्दै आफूमा कोरोना संक्रमण नदेखिएको जानकारी गराएकी थिइन् । अनमोलको भने आइतवार रिपोर्ट आएको हो । कोरोना परीक्षण गराएपछि उनी घरमै आइसोलेसनमा बसेका थिए ।