नायिका ऋचा शर्माले सेल्फ क्वारेन्टिनमा बसेपछि कोरोनालाई जितेको उल्लेख गरेकी छिन् । गएको मंगलवार गराएको पिसिआर परीक्षणमा उनको कोरोना रिपोर्ट नेगेटिभ आएको हो । उनले फेसबुकमार्फत् आफू कोरोनामुक्त भएको जनाएकी छन् । उनले लेखेकी छिन्–‘पछिल्लो तीन हप्तादेखि सेल्फ क्वारेन्टाइनमा बसी अब सम्पूर्ण रुपमा स्वस्थ भएकी छु । कोरोनाबारे हामीलाई अझै सम्पूर्ण ज्ञान नभएको, नयाँ फाङडिंगहरु आइरहेको र नेपाल जस्तो विकासोन्मुख देशमा यसरी फैलदा आफू तथा आफ्नो परिवारको सुरक्षा गर्न म सबैसँग अनुरोध गर्दछु ।’
उनले अगाडि लेखेकी छन्, ‘कोरोनाको बारे हामीलाई अझै स्मपुर्ण ज्ञान नभएको, नयाँ फाइन्डिङहरु आइरहेको र नेपाल जस्तो विकासोन्मुख देशमा यसरी फैलिँदा आफू तथा आफ्नो परिवारको सुरक्षा गर्न म तपाईहरु सबैलाई विनम्र अनुरोध गर्छु । कोरोना जित्न मैले के गरेँ, खानपान, जीवन शैलीबारे छिटै यहाँहरुलाई जानकारी गराउने छु ।’ उनले यो समयमा अग्रपंक्तिमा रहेर काम गर्नेलाई धन्यवाद दिएकी छन् ।
