नृत्य निर्देशनमा सिपालु लोकप्रिय कोरियोग्राफर कविराज गहतराज अब चलचित्र निर्देशनमा डेब्यू गर्ने तयारीमा छन् । उनले निर्देशनमा डेब्यू गर्न लागेको चलचित्रको नाम हो, ‘मिरर’ । यो चलचित्रका लागि कविराजले नायकमा आर्यन सिग्देललाई अनुवन्धित गरिसकेका छन् । त्यस्तै चलचित्रका लागि नायिकको रुपमा उपासना सिंह ठकुरीलाई अफर गरिएको छ ।उपासनाले यो चलचित्रको कथा मन पराएकी छिन् । आर्यन र उपासना अहिले चलचित्र ‘डिसेम्बर फल्स’ को छायांकनमा व्यस्त छन् । केही दिनमा एक कार्यक्रमका बीच निर्माण घोषणा गर्ने तयारी गरिएको चलचित्रको निर्माणपक्षले अरु तयारी पनि गरिरहेको छ ।