‘बाहुबली’ निर्देशक एसएस राजामौली निर्देशित फिल्म ‘आरआरआर’ को लामो समयदेखि प्रतिक्षा भइरहेको छ । यो फिल्मबाट आलियाले साउथ इन्डस्ट्रीमा पाइला राख्दैछिन् । उनको जन्मदिनको अवसरमा निर्माण टिमले एक पोस्टर सार्वजनिक गरेको थियो, जसमा उनी हरियो रंगको साडीमा देखिएकी थिइन् । उनले आफ्नो पहिलो पेन इन्डिया फिल्मका लागि आकर्षक पारिश्रमिक पाएकी छन् । टाइम्स अफ इन्डियाका अनुसार, उनलाई फिल्मका लागि ६ करोड पारिश्रमिक दिइएको छ ।