गायक नवीन के भट्टराईको आवाज,कम्पोज र निर्देशनमा ‘सम्झिरहन्छु’ बोलको म्युजिक भिडियो सार्वजनिक भएको छ । भिडियोमा वर्षा सिवाकोटी र राज कटुवालको अभिनय रहेको छ । गायक भट्टराईको अफिसियल युट्युब च्यानल ‘नवीन के भट्टराई’ मा सार्वजनिक गरिएको भिडियोलाई सौरभ लामाले खिचेका हुन् ।
भिडियोको सम्पादन अर्जुन जिसीले गरेका हुन् भने रङ संयोजन रेनिस फागोको रहेको छ । विगत केही महिनादेखि बजारमा वर्षा र राजको प्रेम चर्चा चलिरहेको छ । वर्षा र राज विगत ६-७ महिनायता एकअर्कासँँग निकै नजिक भएपनि दुवैले प्रेम स्वीकार भने गरेका छैनन् ।
