अभिनेता राजेश हमालले अब गायक पनि भएका छन् । तीन दशक लामो चलचित्र अभिनयको करिअर पछि हमालले पहिलोपटक गीत गाएका हुन् । बुधवार राजधानीमा एक कार्यक्रमको आयोजना गर्दै
राजेशको स्वर रहेको ‘मन बुढो भएन’बोलको गीतको भिडियो सार्वजनिक गरिएको छ । गीतमा दीपक शर्माको शब्द तथा संगीत रहेको छ ।
गीतमा हमालको साथमा गायक सुवास पुरी तथा गायिकाद्वय एलिना चौहान र बेनिशा पौडेलको स्वर रहेको छ । देवेन्द्र पाण्डेले निर्देशन गरेको यस गीतको भिडियोमा हमालसँग रेश्मा घिमिरेले अभिनय गरेकी छन् । उत्सव दाहालले छायांकन गरेको भिडियोलाई विकास दाहालले सम्पादन गरेका छन् ।
केहि चलचित्रहरुको गीतमा आवाज दिएको भएता पनि सुरमा रहेर गाएको यो नै पहिलो भएको हमालले बताए । संगीतकार दीपक शर्माले दिएको हौसलाले आफुले यो गीत गाउन सफल रहेको उनको जिकिर थियो । कार्यक्रममा हमालले आफ्नो स्कुले जीवनमा गाउने गीत सम्झना गरे ।
गीत हेर्नुहोस् :-
