चलचित्र ‘लम्फू’ यूट्युबमा सार्वजनिक भएको छ । २०७५ सालमा सिनेमा घरमा प्रदर्शनमा आएको चलचित्र करीब चार वर्षपछि यसै साता हाइलाइट्स नेपालको यूट्युब च्यानलमा सार्वजनिक भएको हो ।
पपुलर मल्टिमिडियाको ब्यानरमा बनेको चलचित्रमा कविर खड्का, मरिस्का पोखरेल, सलोन बस्नेत, सञ्जित भण्डारी, चाँदनी शर्मा, कुशुम श्रेष्ठ ,ओम गुरुङ, कुशाग्र भट्टराई, आयन खड्का, अजित लामिछाने, सन्तोष कार्की, कुशल गुरुङलगायतका कलाकारको अभिनय रहेको छ ।
गोपालचन्द्र लामिछाने निर्देशित चलचित्रमा एक समय तरकारीवालीको नामले संसारभर प्रख्यात कुशुम श्रेष्ठको पनि अभिनय रहेको छ । यो चलचित्रमा एक युवाको जीवनमा आईपर्ने विभिन्न उतारचढावको कथालाई पेश गरिएको छ ।
चलचित्रले यूट्युबमा दर्शकहरुको उत्कृष्ट प्रतिक्रिया पाइरहेको छ र यूट्युबको ट्रेन्डिङमा पर्न पनि सफल भएको छ । चलचित्रले यूट्युब ट्रेन्डिङको दोस्रो स्थान ओगटेको छ । यूट्युबको कमेन्ट बक्समा चलचित्रलाई ९० प्रतिशत सकारात्मक प्रतिक्रिया प्राप्त छ । कतिले चलचित्र ‘मनछुने’ भन्दै तारिफको पुल बाँधेका छन् भने कतिले कथावस्तु र कलाकारको अभिनयको प्रशंसा गरेका छन् । सिनेमा हलमा पनि चलचित्रलाई दर्शकले मन पराएका थिए ।
चलचित्र हेर्नुहोस् :-
