आलिया भट्ट अभिनित चलचित्र ‘गंगुबाई काठियावाडी’को नयाँ प्रदर्शन मिति घोषणा गरिएको छ । निर्माता सञ्जय लीला भन्साली निर्देशित यो चलचित्र फ्रेबअुरी २५ मा रिलिज हुनेछ । चलचित्र निर्माताको ब्यानर भन्साली प्रोडक्सनले आफ्नो आधिकारिक इन्स्टाग्राम पेज मार्फत नयाँ रिलिज मिति घोषणा गरेको हो ।
यो चलचित्रमा अभिनेत्री आलिया १९६० को दशकमा मुम्बईको रेड-लाइट क्षेत्र कामाठीपुराका सबैभन्दा शक्तिशाली, मायालु र सम्मानित महोदयाहरू मध्ये एक गंगुबाईको शीर्ष भूमिकामा देखिँदैछिन् । चलचित्रमा अभिनेता अजय देवगणको पनि मुख्य भूमिका छ । यो चलचित्र प्रख्यात लेखक हुसैन जैदीको पुस्तक “माफिया क्वीन्स अफ मुम्बई” को एक अध्यायबाट लिइएको हो।
