सबै सुरक्षा सावधानी अपनाउँदै फागुन १ गतेबाट सिनेमा हलहरु खुल्ने भएका छन् । कोरोना महामारीको तेस्रो लहरका कारण नेपाल सरकारले माघ ३ गतेबाट १५ गतेसम्मका लागि सिनेमा हल बन्द गर्ने निर्णय गरेको थियो । तर संक्रमण तीब्र भएपछि हल बन्द गर्ने निर्णय माघ मसान्तसम्म लम्बिएको थियो । यसबीच आइतबार बसेको सिसिएमसी बैठकको सिफारिसमा सिनेमा हल खोल्ने निर्णय गरेको छ । काठमाडौं जिल्ला प्रसासन कार्यलयका अनुसार आगामी फागुन १ गतेबाट सिनेमा हल सञ्चालन गर्न अनुमति दिइएको छ ।