गायिका अञ्जु पन्तले नयाँ गीत सार्वजनिक गरेकी छन् । अञ्जुले सोमबार भ्यालेन्टाइन डेको अवसर पारेर ‘अब छाडेर जाने कुरा नगर’बोलको गीत सार्वजनिक गरेकी हुन् । हाल अमेरिकामा रहेकी अञ्जुले भ्यालेन्टाइन विशेष भनेर सार्वजनिक गरिएको गीतको भिडियोमा अन्जु आफ्नो श्रीमान थिर कोइरालासँग फिचर्ड छिन् । ‘अन्जु पन्त अफिसियल’युट्युब च्यानलबाट सार्वजनिक गरिएको भिडियोमा उनीहरुको विवाहको दृश्य समेत समावेश गरिएको छ । अन्जु र थिरले गत वर्ष विवाह गरेका हुन् ।
गीतमा गोबिन्द हुमागाईंको शब्द, कर्मा ग्याल्जेन बोमजनको संगीत र फणिन्द्र राईको एरेन्ज छ । लक्ष्मण दियालीको परिकल्पना, निर्देशन तथा सम्पादन रहेको म्युजिक भिडियोलाई नरेन्द्र लोहनीले खिचेका हुन् ।
गीत हेर्नुहोस् :-
