अभिनेता आर्यन सिग्देल र अभिनेत्री मिरुना मगर स्टारर चलचित्र ‘च च हुई’ को ट्रेलर सार्वजनिक भएको छ । सार्वजनिक ट्रेलरमा नायक आर्यन सिग्देल, नायिका मिरुना मगर, कलाकारद्वय भोलाराज सापकोटा र माओत्से गुरुङलाई देख्न सकिन्छ। दुइ बेकमिले युवाको जीवनमा एउटा किताबले ल्याउने उतारचढावलाई यसमा रमाइलो तरिकाले चित्रण गरिएको छ ।
अभिनेत्री मिरुना मगरसँग आर्यनको लभ केमेस्ट्री पनि ट्रेलरमा देख्न सकिन्छ । पूर्णतय कमेडी कथावस्तुमा निर्माण भएको चलचित्रमा माओत्से गुरुङ, पुस्कर गुरुङ, आर्जेस रेग्मी, बबिता मल्ललगायतका कलाकारहरुको अभिनय छ ।
जीवनको पिङ ‘च च हुई’ गरेर मच्चिन खोज्दा आउने अवस्थालाई चलचित्रमा देखाइएको छ । चलचित्रमा निर्देशन र सम्पादन साम्तेन भुटियाको रहेको छ भने, श्री श्रेष्ठको द्वन्द्व र सुशन प्रजापतिको छायांकन छ । निर्देशक साम्तेनले यसपटक आफूले कमर्शियल फिल्म बनाउने प्रयत्न गरेको बताए ।
एजीएल इन्टरटेनमेन्टको ब्यानरमा निर्माण रहेको चलचित्रलाई अमृत घोले लामा निर्माता रहेको छ । चलचित्रको पटकथा सिजन दाहाल र सन्देश अर्यालले लेखेका हुन् ।
आउँदो मंसिर ६ गतेबाट देशव्यापी प्रदर्शनमा आउने छ ।
