चर्चित गीत ‘फोटो फिरिममा’ को चाइल्ड भर्सन सार्वजनिक भएको छ । ‘द भ्वाइस किड्स’का फाइनल प्रतिस्पर्धी सुप्रिम मल्ल ठकुरीको आवाज रहेको गीत शुक्रवार सार्वजनिक भएको हो ।
गीतमा शिशिर भण्डारीको शब्द रहेको छ । भण्डारीकै संगीत, निर्देशन र कथा रहेको गीतमा कुशल सिंहको संगीत संयोजन समावेश छ ।
गीतको म्युजिक भिडियोमा असीम भण्डारी, शिशिर भण्डारी, आश्मा गिरि, रिनेक्स बस्नेत, दीपेन्द्र सोनाम र श्रद्धा गौतमको अभिनय देख्न सकिन्छ । ज्ञानेन्द्र शर्माले दृश्य कैद गरेको भिडियोलाई सम्पादन दिनेश शाहले गरेका छन् । गीतअनुसार भिडियो मनछुने बनेको छ र बाल मनोविज्ञानमा आधारित रहेको छ ।
भिडियोमा पारिवारिक कलह र झगडाले बालबालिकामा पर्ने असरलाई देखाइएको छ । नयाँ नयाँ न्युज नेपाल युट्युब च्यानल बाट सार्वजनिक गरिएको गीत युट्युब ट्रेन्डिङमा स्थान ओगट्न सफल भएको छ । यो समाचार तयार गर्दा सम्म उक्त गीत युट्युब ट्रेन्डिङको चौथो स्थानमा रहेको छ ।
लगभग २ वर्ष रचना रिमालको स्वरमा सार्वजनिक ‘फोटो फिरिममा’ गीतलाई स्रोता-दर्शकले निकै रुचाएका थिए । रचनाको पहिलो चर्चित गीत पनि हो, ‘फोटो फिरिममा’ । त्यसपछि यो गीत गायक प्रताप दासको स्वरमा सार्वजनिक भयो । प्रतापको स्वरमा सार्वजनिक गीतलाई पनि निकै रुचाइयो । त्यसपछि शिशिरले ‘फोटो फिरिममा २- रुमाल चिनो छ’ सार्वजनिक गरिसकेका छन् ।
भिडियो हेर्नुहोस् :
