पछिल्लो समय नेपाली कलाकारहरू आफैँ युट्युबमा रम्ने गरेका छन् । कलाकारहरुको आ–आफ्नै यूट्युबमा भ्लगदेखि अन्तर्वार्तासम्म रहेको देख्न सकिन्छ । यो भिडमा अभिनेता राजेश हमाल पनि थपिएका छन् । हमालले ‘राजेश हमाल अफिसियल’ नाममा यूट्युब च्यानल सञ्चालनमा ल्याएका हुन् ।
गत बुधवार यूट्युबमा पहिलो भिडियोको रुपमा एक भ्लगको ट्रेलर अपलोड गरेका हमालले हिजो ‘माई फष्ट भ्लग’ भन्दै एक भिडियो पोष्ट गरेका छन् । जसमा उनले आफ्नो दिनचर्या समावेश गरेका छन् । हमालले आफ्नो युट्युब च्यानलमार्फत चाँडै एउटा ‘टक शो’ समेत ल्याउने तयारी गरेका छन् ।
